पार्किन्सन्स मित्रमंडळाची प्रकाशने
१) लेटस कम्युनिकेट
लेखक – Manjorie I Johnson,
गुड न्युट्रिशन
लेखक – Julie H.Carter
या दोन पुस्तकांचे एकत्रित रुपांतर : चला संवाद साधुया आणि आहार- कोणता,केंव्हा व किती?
रुपांतर : रामचंद्र करमरकर
अमेरिकन पार्किन्सन्स डिसीज असोसिएशन ( APDA) यांच्या ‘लेटस कम्युनिकेट ‘आणि
‘गुड न्युट्रिशन’ या दोन पुस्तकांचे एकत्रित रुपांतर. अमेरिकेतील व भारतातील राहणीमान यात खूप फरक असल्याने भारतीय राहणीमानास योग्य असे बदल केलेले आहेत.
पार्किन्सन्समुळे अनेकाना बोलण्याची तसेच लाळ गळण्याची समस्या निर्माण होते.यासाठी
औषधोपचाराबरोबर बोलण्याचे विशिष्ट व्यायाम आणि बोलण्याच्या तंत्राचा सराव अशा पूरक कार्यक्रमाची गरज आहे.हे आव्हान स्वीकारण्यासाठी या पुस्तकातून मदत व प्रोत्साहन मिळेल.
पार्किन्सन्सग्रस्ताना आहाराविषयी पथ्य नसले तरी काही मनोसामाजिक कारणे, ,बद्धकोष्ठ, गिळण्याची समस्या हे आहारावर परिणाम करतात. हे लक्षात घेऊन पोषक आहाराचे महत्व,कुपोषण टाळणे,पार्किन्सन्स ग्रस्तांसाठी विशेष आहार या बाबींचा पुस्तकात समावेश आहे.
रुपान्तरकारांनी परिशिष्टात शब्द, शब्दसमूह,वाक्ये व परिच्छेद खास मराठीतून तयार केले आहेत.
आहारविषयक तक्ते आहारतज्ज्ञ श्रुतिका बेंडे यांनी भारतीय आहाराला अनुसरून दिलेले आहेत.
२)पार्किन्सन्सशी मैत्रीपूर्ण लढत
लेखक – शेखर बर्वे
लेखक व्यवसायाने डॉक्टर नाहीत परंतु पत्नीला पीडी झाल्यावर न डगमगता पार्किन्सन्स विषयी माहिती मिळवली त्याला अनुभवाची जोड मिळाली.आणि पुस्तकाची निर्मिती झाली
प्रसिद्ध न्युरोलोजीस्ट डॉक्टर प्रदिप दिवटे यांची प्रस्तावना हा या पुस्तकाचा विशेष.
पार्किन्सन्स विषयीचे ज्ञान येथे शास्त्रीय भाषेचा किचकटपणा टाळून सोप्या भाषेत येते.हा आजार पूर्ण बरा होणारा नसला तरी लक्षणावर नियंत्रण आणता येऊ शकते.हे लक्षात घेऊन पुस्तकात विविध लक्षणे आणि त्याबाबतच्या मौलिक सूचना यावर विस्ताराने लिहिले आहे.या माहितीला अनुभवाची जोड असल्याने शुभार्थींना रोजच्या जगण्यात ती नक्की उपयोगी ठरतील. यासाठी आहार विहार,व्यायाम,विविध पूरक उपचार पद्धती यांचीही जोड पुस्तकात आहे.
पिडिबरोबर येणार नैराश्य यावर स्वतंत्र प्रकरण आहे. तुम्ही एकटे नाही आहात; असा दिलासा देणारे स्व-मदत गटावरील प्रकरण,मित्र,तत्वज्ञ,मार्गदर्शक अशी काळजीवाहकाची भूमिका,रोजच्या जगण्यातील सहाय्य उपकरणे ,काही उपयुक्त सूचना या सर्वच पिडि शुभंकर शुभार्थींसाठी एकदा वाचण्याच्या बाबी नाहीत तर पुस्तक संग्रही ठेऊन पुन्हःपुन्हः वाचण्याच्या आहेत.
दोन्हीही पुस्तके आपल्या संग्रही हवीतच.
पुस्तकासाठी संपर्क :
द्वारा रा.हे.करमरकर
३चिंतामणी अपार्टमेंट,१११९,
सदाशिवपेठ,पुणे,४११०३०
भ्रमणभाष : ९४२३३३८१६४